Erna Þráinsdóttir arkitekt hefur bæst í eigendahóp ARKÍS arkitekta. Erna hefur starfað hjá ARKÍS frá 2018, en starfaði áður sem arkitekt hjá Norconsult í Noregi.
Erna er með MA gráðu í arkitektúr frá Arkitektaskólanum í Árósum og BA í arkitektúr frá Listaháskóla Íslands.
Á sama tíma hefur Aðalsteinn Snorrason, arkitekt og einn stofnenda ARKÍS, stigið út úr eigendahópnum. Aðalsteinn starfar hjá ARKÍS fram á vorið, en mun í framhaldinu færa sig til nýrra starfa.
Aðalsteinn hefur stýrt fjölmörgum ARKÍS verkum af mikilli fagmennsku og myndarskap á liðnum árum. Við þökkum Aðalsteini afar ánægjulegt og farsælt samstarf í gegnum tíðina og óskum honum velfarnaðar við ný viðfangsefni.
